Lög fyrir börn á aldrinum 5-6 ára sem nýtast bæði í starfi og leik.
Krumminn á skjánum,
kallar hann inn,
gef mér bita af borði þínu,
bóndi minn.
Bóndi svara býsna reiður,
burtu farðu, krummi leiður.
Líst mér að þér lítill heiður,
ljótur ertu á tánum,
Krumminn á skjánum.
Kannastu við köttinn minn?
Hann klókur er en besta skinn.
Hann er stærri en hestur
og stærri en hús.
Já, kötturinn minn heitir krús, krús, krús.
Krúsilíus.
Það má ekki pissa bakvið hurð
og ekki henda grjóti oní skurð
ekki fara í bæinn
og kaupa popp og tyggjó
og ekki nota skrúfjárn fyrir sleikjó
Það má ekki vaða út í sjó
og ekki fylla húfuna af snjó
ekki tína blómin
sem eru út í beði
og ekki segja ráddi heldur réði.
Hér skal nú glens og gaman,
við getum spjallað saman.
Gáum hvað þú getur,
vinur gettu hver ég er.
Verðlaun þér ég veiti
ef veistu hvað ég heiti,
vaðir þú í villu
þetta vil ég segja þér.
Hér sérðu Línu langsokk
tralla hopp tralla hei
trallahopp sasa.
Hér sérðu Línu langsokk,
já líttu það er ég.
Ég lonníetturnar lét á nefið
svo lesið gæti ég frá þér bréfið.
Ég las það oft og mér leiddist aldrei
því lifað gæti ég ei án þín.
La la la la la la, ljúfa
La la la la la la, ljúfa.
Ég las það oft og mér leiddist aldrei
því lifað gæti ég ei án þín.
Lóan er komin að kveða burt snjóinn,
að kveða burt leiðindin, það getur hún.
Hún hefur sagt mér, að senn komi spóinn,
sólskin í dali og blómstur í tún.
Hún hefir sagt mér til syndanna minna,
ég sofi of mikið og vinni ekki hót.
Hún hefir sagt mér að vakna og vinna
og vonglaður taka nú sumrinu mót.
Ó hve létt er þitt skóhljóð
ó hve lengi ég beið þín,
það er vorhret á glugga,
napur vindur sem hvín,
en ég veit eina stjörnu,
eina stjörnu sem skín,
og nú loks ertu komin,
þú ert komin til mín.
Það eru erfiðir tímar,
það er atvinnuþref,
ég hef ekkert að bjóða,
ekki ögn sem ég gef,
nema von mína og líf mitt
hvort ég vaki eða sef,
þetta eitt sem þú gafst mér
það er alt sem ég hef.
En í kvöld lýkur vetri
sérhvers vinnandi manns,
og á morgun skín maísól,
það er maísólin hans,
það er maísólin okkar,
okkar einíngarbands,
fyrir þér ber ég fána
þessa framtíðarlands.
Móðir mín í kví, kví,
kvíddu ekki því, því;
ég skal ljá þér duluna mína
duluna mína að dansa í,
ég skal ljá þér duluna mína
duluna mína að dansa í
Gult fyrir sól, grænt fyrir líf,
grátt fyrir þá sem reka menn út í stríð.
Hvítt fyrir börn, sem biðja um frið
biðja þess eins að fá að lifa' eins og við.
Er ekki jörðin fyrir alla?
Nú er úti norðanvindur
nú er hvítur Esjutindur
ef ég ætti úti kindur
myndi ég láta þær allar inn
elsku besti vinurinn.
.::Umbarassa, umbarassa, umbarassassa::.
Fann ég á fjalli fallega steina,
faldi þá alla, vildi þeim leyna.
Huldi þar í hellisskúta heillasteina,
alla mína unaðslegu óskasteina.
Langt er nú síðan leit ég þá steina,
lengur ei man ég óskina neina
er þeir skyldu uppfylla um ævidaga
ekki frá því skýrir þessa litla saga.
Öxar við ána, árdags í ljóma,
upp rísi þjóðlið og skipist í sveit.
Skjótum upp fána, skært lúðrar hljóma,
skundum á Þingvöll og treystum vor heit.
Fram, fram, aldrei að víkja.
Fram, fram, bæði menn og fljóð.
Tengjumst tryggðarböndum,
tökum saman höndum,
stríðum, vinnum vorri þjóð.
Ryksugan á fullu étur alla drullu,
lalalala, lalalala, lalalala.
Skúra skúbb´ og bóna ríf´ af öllum skóna,
lalalala, lalalala, lalalala.
Og ef þú getur ekki sungið reyndu þá að klappa.
Og ef þú getur ekki klappað reyndu þá að stappa.
Svo söngflokkurinn haldi sínu lagi.
og syngi ekki sitt af hvoru tagi.
Ég er með lausa tönn
Hún ruggar geðveikt mikið
Pabbi vill toga' í mína tönn
En nei, þar dreg ég strikið!
Hún er mín eigin ruggutönn
Ruggu-ruggu-ruggu-ruggutönn
Ég vil ekki missa mína ruggutönn
Ruggu-ruggu-ruggutönn
Ég á lítinn skrítinn
skugga,
skömmin er svo líkur mér,
hleypur með mér úti og inni,
alla króka sem ég fer.
Allan daginn lappaléttur
leikur hann sér kringum mig.
Eins og ég hann er á kvöldin
uppgefinn og hvílir sig.
Það er skrítið, ha, ha, ha, ha!
hvað hann getur stækkað skjótt,
ekkert svipað öðrum börnum,
enginn krakki vex svo fljótt.
Stundum eins og hugur hraður
hann í tröll sér getur breytt.
Stundum dregst hann saman, saman,
svo hann verður ekki neitt.
Kannastu við köttinn minn?
Hann klókur er en besta skinn.
Hann er stærri en hestur
og stærri en hús.
Já, kötturinn minn heitir krús, krús, krús.
Krúsilíus.
Hann er gulur og grænn og blár
Galdraköttur í húð og hár.
Og ég veit hvað hann syngur
og víst er það satt
að Krúsilíus, hann á köflóttan hatt.
Krúsilíus.
A og bé, spott og spé,
grísinn galar uppi í tré.
Lítil mús til okkar fús,
kom og byggði hús.
Lamb í baði
borðar súkkulaði.
Hundur jarmar,
galar grísinn hátt.
Sit ég hér á grænni grein
og geri fátt eitt annað
en éta hunang, borða brauð
því bíta allt er bannað.
Dropar detta, stórir hér,
dropar detta, hvað finnst þér?
Dropar detta allt í kring
og dinga linga ling.
Babú, babú brunabíllinn flautar
hvert er hann að fara?
vatn á eldinn sprauta
tss, tss, tss
gerir alla blauta
Mig dreymir um að verða
kafari, geimfari, trommari, amma,
Mig dreymir um að verða
Listakona með stall
Mig langar svo að verða
arkitekt, jútúber, grínisti, lögga
Mig langar svo að verða
Rosa frægur karl
Ég væri stundum til í að vera meiri prakkari
ofurlítið fyndnari og pínu hugrakkari.
Óska þess
að draumar fengju í lífi okkar ögn stærri sess.
En enginn veit hvað verður næst
ég veit það eitt, að draumar geta ræst.
Óóóóóó
Draumar geta ræst
Óóóó
Mig dreymir um að eignast
tígrisdýr, kengúru, systkini, apa,
Mig dreymir um að eignast
pöndu og hákarl
Mig langar svo að fá mér
bókasafn, risahús, nefhring og tattú,
Mig langar svo að fá mér
Gimsteina og skart
Ég vildi að það væri engin stríðni og ekkert stríð
Allir væru vinir, massasáttir alla tíð
Óska þess
að draumar fengju í lífi okkar
ögn stærri sess.
Enginn veit hvað verður næst
ég veit það eitt, að draumar geta ræst.
Óóóóóó
Draumar geta ræst
Óóóó
Rétt upp hönd ef þú vilt skoða heiminn
Ennþá hærr’ ef þú vilt skoða geiminn
Rétt upp hönd ef þú ert stundum feimin/n
Hey ho
Hey hey ho
Rétt upp hönd ef þú vilt eiga heima
Í heimi þar sem er í lag’ að dreyma
Rétt upp hönd ef þú trúir því að draumar geti ræst
Óska þess
að draumar fengju í lífi okkar
ögn stærri sess.
Enginn veit hvað verður næst
ég veit það eitt, að draumar geta ræst.
Óóóóóó
Draumar geta ræst
Óóóó
Já, draumar geta ræst
Við erum dropar
við erum dropar
í einu hafi
í einu hafi.
Við erum laufblöð
við erum laufblöð
á sama trénu
á sama trénu.
Tengjumst böndum
tengjumst böndum
Myndum einingu allra á jörð,
stefnum að því saman, þú og ég.
Ég heyri svo vel, ég heyri grasið gróa,
ég heyri svo vel, ég heyri snjóinn snjóa,
ég heyri svo vel, ég heyri orminn mjóa,
heyri hárið vaxa,
heyri neglurnar lengjast,
heyri hjartað slá.
Þú finnur það vel, allt færist nær þér,
þú finnur það vel, þú kemur nær mér,
þú finnur það vel, allt fæðist í þér,
andlitin lifna
og húsin dansa
og vindurinn hlær.
I love the flowers, I love the daffodils
I love the mountains, I love the rolling hills
And I love the fireside when the light is low
Boom-di-a-da, Boom-di-a-da, Boom-di-a-da, Boom (x2)
Kanntu brauð að baka?
Já, það kann ég.
Svo úr því verði kaka?
Já, það kann ég.
Ertu nú alveg viss um?
Já, það er ég.
Eða ertu ef til vill að gabba mig?